Қаражанбасмұнай экологтары марапатталды

Салтанатты жиында басшылық орталық аппараттың және өндірістік басқарманың экологтарын кәсіби мерекелерімен құттықтап, олардың өндірістік нысандардағы қоршаған ортаның жағдайын жақсартудағы және осы бағыттағы тәуекелдерді азайту жолында сіңірген еңбегін атап өтіп, марапат табыс етті.

«Қоршаған ортаның жай-күйін сақтау және жақсарту, оны қорғау саласында тиімді басқару жүйесін құру – біздің компания саясатының басым бағыттарының бірі. Сіздің жүйелі жұмыстарыңыздың арқасында ҚБМ-да ауқымды жобалар жүзеге асырылуда», – деді Бас директордың кадр және әлеуметтік мәселелер жөніндегі орынбасары Оңғар Қабылов.

Сонымен қатар, кәсіпорындар мен халықаралық ұйым экологтарының қатысуымен өткен «Тұрақты даму үшін жауапты бизнес» республикалық конференциясы аясында ҚБМ қоршаған ортаны қорғау қызметінің басшысы Еркебұлан Оспанов Экология, геология және табиғи ресурстары министрлігінің Құрмет грамотасымен марапатталды.